.jpeg)
ইছলামিক নৱবৰ্ষৰ সূচনাকাৰী এই পাৰ্বন মহৰম ভাৰতত চন্দ্ৰ দেখাৰ ওপৰত নিৰ্ভ কৰি ৬ বা ৭ জুলাই, ২০২৫ত পালন কৰা হ’ব। বৰ্তমান আনুষ্ঠানিক তাৰিখ ৬ জুলাই, কিন্তু চন্দ্ৰ দেখা নগ’লে সেয়া ৭ জুলাইত পালিত হ’ব পাৰে। এই দিনটোত সমগ্ৰ দেশত স্কুল-কলেজ, বেংক, চৰকাৰী কাৰ্যালয় আৰু শ্বেয়াৰ বজাৰ বন্ধ থাকিব।
৭ জুলাই ২০২৫ত চৰকাৰী বন্ধ?
মহৰম ইছলামৰ চাৰিটা পৱিত্ৰ মাহৰ ভিতৰত এটা আৰু ভাৰতত ইয়াক চৰকাৰী বন্ধ হিচাপে পালন কৰা হয়। বন্ধৰ চূড়ান্ত তাৰিখ চন্দ্ৰ দেখাৰ ওপৰত নিৰ্ভৰ কৰে, যিটোৰে ইছলামিক মাহৰ আৰম্ভণি। যদি প্ৰত্যাশিত তাৰিখত চন্দ্ৰ দেখা নাযায়, তেন্তে পিছৰ দিনা মহৰম পালিত হ’ব পাৰে।
মহৰমৰ দিনা সকলো স্কুল, বেংক, ডকঘৰ, চৰকাৰী কাৰ্যালয় আৰু একাংশ বেচৰকাৰী কাৰ্যালয় বন্ধ থাকিব। ভাৰতৰ বেছিভাগ অংশত এই বন্ধ প্ৰযোজ্য।
বন্ধ থাকিব শ্বেয়াৰ বজাৰ
নেচনেল ষ্টক এক্সচেঞ্জ আৰু বম্বে ষ্টক এক্সচেঞ্জ মহৰমৰ দিনা লেনদেনৰ বাবে বন্ধ থাকিব। ইয়াৰ ভিতৰত আছে ইকুইটি, ইকুইটি ডেৰিভেটিভছ, এছএলবি (ছিকিউৰিটিজ লেণ্ডিং এণ্ড বৰোয়িং), কাৰেঞ্চী ডেৰিভেটিভছ আৰু সুদৰ হাৰ ডেৰিভেটিভছ।
মাল্টি কমোডিটি এক্সচেঞ্জ অব ইণ্ডিয়া লিমিটেডে (এমচিএক্স) পুৱাৰ সময়ত লেনদেন স্থগিত ৰাখিব। এমচিএক্সে লেনদেন সন্ধিয়া ৫ বজাৰ পৰা নিশা ১১.৩০/১১.৫৫ বজা পৰ্যন্ত পুনৰ আৰম্ভ হ’ব।
মহৰমে নতুন ইছলামিক বছৰৰ সূচনা কৰে আৰু ইছলামিক কেলেণ্ডাৰত ইয়াক পৱিত্ৰ মাহসমূহৰ ভিতৰত এটা হিচাপে বিবেচনা কৰা হয়। আশুৰাৰ দিন, যি মহৰমৰ ১০ তাৰিখে পৰে, সেয়া বিশেষ তাৎপৰ্যপূৰ্ণ। বহু ইছলাম ধৰ্মাৱলম্বীৰ বাবে, বিশেষকৈ ছিয়া সম্প্ৰদায়ৰ বাবে আশুৰা শোকৰ দিন। এয়া ৬৮০ খ্ৰীষ্টাব্দত কাৰবালাৰ যুদ্ধত নিহত নবী মহম্মদৰ নাতি ইমাম হুছেইন ইবনে আলী শাহদাতক স্মৰণ কৰি পালন কৰা হয়।মহৰমে নতুন ইছলামিক বছৰৰ সূচনা কৰে আৰু ইছলামিক কেলেণ্ডাৰত ইয়াক পৱিত্ৰ মাহসমূহৰ ভিতৰত এটা হিচাপে বিবেচনা কৰা হয়। আশুৰাৰ দিন, যি মহৰমৰ ১০ তাৰিখে পৰে, সেয়া বিশেষ তাৎপৰ্যপূৰ্ণ। বহু ইছলাম ধৰ্মাৱলম্বীৰ বাবে, বিশেষকৈ ছিয়া সম্প্ৰদায়ৰ বাবে আশুৰা শোকৰ দিন। এয়া ৬৮০ খ্ৰীষ্টাব্দত কাৰবালাৰ যুদ্ধত নিহত নবী মহম্মদৰ নাতি ইমাম হুছেইন ইবনে আলী শাহদাতক স্মৰণ কৰি পালন কৰা হয়।