বৰঘাটৰ বাইপাছত ভয়ংকৰ পথ দুৰ্ঘটনা

নগাঁৱৰ বৰঘাটৰ বাইপাছত ভয়ংকৰ পথ দুৰ্ঘটনা।
এখন তীব্ৰবেগী ডাম্পাৰে এখন মটৰ চাইকেলত খুন্দা মৰাৰ ফলতেই সংঘটিত হয় দুৰ্ঘটনাটো।
দুৰ্ঘটনাটোত এগৰাকী মহিলা ঘটনাস্থলীতে নিহত হোৱাৰ লগতে এটা ছয়মহীয়া শিশু আৰু এজন ব্যক্তি গুৰুতৰভাৱে আহত হয়।
পৰিচয় উদ্ধাৰ হৈছে দুৰ্ঘটনাগ্ৰস্ত পৰিয়ালটোৰ।
নিহত মহিলাগৰাকীৰ নাম কবিতা ইংতিপি।
আনহাতে আহত স্বামী মায়াৰাম সিনহা।
সামান্য পৰিমাণে আহত তেওঁ লোকৰ ৬ মহীয়া সন্তানটি।
আঞ্জুম পানীত ঘৰ তেওঁলোকৰ।
ঘটনাস্থলীত বৰঘাট আৰক্ষী উপস্থিত হৈ মৃতদেহ উদ্ধাৰ কৰাৰ লগতে আহতসকলক চিকিৎসালয়লৈ প্ৰেৰণ কৰিছে।