অষ্টম দৰমহা আয়োগক লৈ ক্ৰমাৎ উৎসুকতা বৃদ্ধি পাইছে কেন্দ্ৰীয় চৰকাৰৰ কৰ্মচাৰীসকলৰ। যোৱা মাহত কেবিনেটে ইয়াৰ টাৰ্মছ অৱ ৰেফাৰেন্স (ToR) অনুমোদন জনাইছিল। ইয়াৰ মাজতে বিত্ত ৰাজ্য মন্ত্ৰী পংকজ চৌধুৰীয়ে সংসদত কয় যে আয়োগৰ পৰামৰ্শ লাভ কৰাৰ পিছতহে চৰকাৰে কাৰ্যকৰীকৰণৰ তাৰিখ নিৰ্ধাৰণ কৰিব। লগতে তেওঁ উল্লেখ কৰে যে পৰামৰ্শসমূহ গ্ৰহণ কৰাৰ পিছত ইয়াৰ কাৰ্যকৰীকৰণৰ বাবে প্ৰয়োজনীয় ধনৰ ব্যৱস্থা কৰা হ’ব।
ToR কেতিয়া জাৰি কৰা হৈছিল?
অষ্টম দৰমহা আয়োগ গঠন কৰা হৈছে। ইয়াৰ ToRত ২৮ অক্টোবৰত প্ৰধানমন্ত্ৰী মোদীয়ে অনুমোদন জনাইছিল। ইয়াৰ পিছতে বিত্ত মন্ত্ৰণালয়ে ৩ নৱেম্বৰত আনুষ্ঠানিক অধিসূচনা জাৰি কৰে। অক্টোবৰ মাহত চৰকাৰেও এইবাৰৰ চূড়ান্ত ডি এ বৃদ্ধিৰ কথা ঘোষণা কৰিছিল যদিও এতিয়া আটাইতকৈ ডাঙৰ প্ৰশ্নটো হ’ল- অষ্টম দৰমহা আয়োগ কাৰ্যকৰী নোহোৱালৈকে ডি এ বৃদ্ধি হৈ থাকিবনে?
ডি এত কোনো পৰিৱৰ্তন নাই
সহজ উত্তৰটো হ’ল আগৰ দৰেই ডি এ বৃদ্ধি পাই থাকিব। ইয়াৰ হিচাপ আপোনাৰ বৰ্তমানৰ বেছিক দৰমহাৰ ওপৰত কৰা হ’ব। জানুৱাৰী আৰু জুলাই মাহত ইয়াৰ পৰ্যালোচনা অব্যাহত থাকিব। ফৰ্মূলাও একেই থাকিব। অষ্টম দৰমহা আয়োগ কাৰ্যকৰী হ’লে বৰ্তমানৰ ডি এ নতুন বেছিক দৰমহাত একত্ৰিত কৰা হ’ব। ইয়াৰ ফলত সমগ্ৰ দৰমহাৰ গাঁথনি পুনৰ ৰিছেট হ’ব।