ACS বিষয়া নূপুৰ বৰাৰ সম্পত্তিৰ হিচাপে যেন এতিয়াও শেষ হোৱা নাই। চিএম ভিজেলেন্সেৰ অভিযানত ক্ৰমান্বেয়ে পোহৰলৈ আহিছে নূপুৰ বৰাৰ দুৰ্নীতি আৰু লুটৰাজৰ দুৰ্নীতিৰ ক’লা আৰু চাঞ্চল্যকৰ অধ্যায়। ক্ৰমান্বেয়ে দীঘলীয়া হৈছে নূপুৰ বৰাৰ দুৰ্নীতিৰ দস্তাবেজ।
দুই নম্বৰী কামেৰে মাত্ৰ কেইমাহ মানতে কোটি-কোটি টকাৰ মালিক হোৱা নূপুৰৰ আয় দেখি স্তম্ভিত হৈ পৰিছে সকলো। দুই নম্বৰী কাম কৰিবলৈ ৰেট ফিক্সড কৰা নূপুৰৰ সম্পত্তিৰ পাহাৰ দেখিলে আপোনাৰো চকু কপালত উঠিব। চাকৰিত যোগদানৰ মাত্ৰ ৫ বছৰতে অগাধ সম্পত্তিৰ গৰাকী হৈছিল অন্যায়ৰ বিৰুদ্ধে ভাষ্য দিয়া নূপুৰ বৰা।
শেহতীয়াকৈ পোহৰলৈ অহা তথ্য অনুসৰি আয়তকৈ ৪১৬% বহিৰ্ভূত সম্পত্তিৰ গৰাকী হৈছিল নূপুৰ বৰা। আজিৰ দিনটোলৈ নূপুৰ বৰাই মুঠ ৪৫ লাখ টকা দৰমহা লাভ কৰিছে। কিন্তু নূপুৰ বৰাৰ গুৱাহাটীৰ ঘৰৰ পৰা জব্দ হৈছিল ৮২লাখ টকা আৰু নূপুৰ বৰাৰ বৰপেটাৰ বাসগৃহৰ পৰা জব্দ ১০লাখ টকা।