.jpeg)
আকাশলংঘী হৈছে সোণৰ দাম। বৈশ্বিক অনিশ্চয়তা, আমেৰিকাত সুদৰ হাৰ কৰ্তনৰ আশা আৰু বিনিয়োগকাৰীৰ অবিৰত চাহিদাৰ বাবে সোণৰ মূল্য পুনৰবাৰ নতুন উচ্চতাত উপনীত হৈছে। অনাগত দিনত উৎসৱ আৰু বিয়াৰ বতৰও আৰম্ভ হ’ব, যাৰ বাবে চাহিদা আৰু অধিক বৃদ্ধি পোৱাৰ সম্ভাৱনা আছে। এনে পৰিস্থিতিত ডাঙৰ প্ৰশ্নটো হ’ল এতিয়া সোণ কিনাটো উচিত হ’ব নে কিছু সময় অপেক্ষা কৰাটো ভাল হ’ব।
প্ৰিচিয়াছ মেটেল ৰিছাৰ্চৰ বিশ্লেষক মানৱ মোদীৰ মতে, যোৱা এবছৰত সোণে ৪০%তকৈ অধিক ৰিটাৰ্ণ দিছে। একে সময়তে বছৰৰ পিছত বছৰ ধৰি সোণতকৈ ৰূপে ভাল প্ৰদৰ্শন কৰিছে।
বিনিয়োগকাৰীৰ নজৰ এতিয়া আমেৰিকাৰ ফেডাৰেল ৰিজাৰ্ভৰ পৰৱৰ্তী মিটিং আৰু ৰাষ্ট্ৰপতি ড’নাল্ড ট্ৰাম্পৰ শুল্ক পলিচীৰ ওপৰত। আশা কৰা হৈছে এই মাহত হাৰ হ্ৰাস কৰিব, যিয়ে সোণক অধিক সহায় কৰিব পাৰে। কিন্তু আমেৰিকাৰ শ্ৰম বজাৰৰ তথ্য শক্তিশালী হ’লে সোণৰ মূল্য সামান্য হ্ৰাস পোৱাৰ সম্ভাৱনা আছে।
মোদীয়ে কয় যে যিসকল বিনিয়োগকাৰীয়ে পূৰ্বৰে পৰা সোণ হ’ল্ড কৰিছে, তেওঁলোকে আংশিক মুনাফা বুক কৰিব পাৰে আৰু দাম কমিলে পুনৰবাৰ এন্ট্রী ল’ব পাৰে। আনহাতে, নতুন ক্ৰেতাসকলৰ বাবে পৰামৰ্শ এয়াই যে ধৈৰ্য ৰাখক আৰু দাম হ্ৰাসৰ অপেক্ষা কৰক। তেওঁৰ মতে, ১,০৩,৫০০-১,০৩,০০০ৰ স্তৰত সোণ কিনাৰ বাবে ভাল জ’ন, ওপৰৰ ফালে টাৰ্গেট ১,০৮,০০০-১,০৯,০০০লৈ যাব পাৰে।
ঘৰ-পৰিয়ালত উৎসৱ আৰু বিয়াৰ বাবে গহণা কিনিব বিচৰা লোকসকলৰ বাবে সময় কৌশলী। গহণা ব্যৱসায়ীসকলে কয় যে অধিক মূল্যতো চাহিদা থাকে। কিন্তু বিশেষজ্ঞসকলৰ মতে যদি বৰ্তমানৰ স্তৰৰ পৰা ১,০০০–১,৫০০ টকা হ্ৰাস পায়, তেন্তে ক্ৰয় কৰাটো অধিক লাভজনক হ’ব।