পঞ্চম আৰু অষ্টম শ্ৰেণীত অনুত্তীৰ্ণ হ’লে নাপাব পৰৱৰ্তী ক্লাছত এডমিশ্যন

 

কেন্দ্ৰীয় চৰকৰে ২০১০ চনৰ শিশুৰ বিনামূলীয়া আৰু ৰাইট টু এডুকেশ্যন (RTE)ৰ নিয়মৰ সালসলনি কৰিছে। ইয়াৰ জৰিয়তে ‘নো ডিটেনশ্যন’ পলিচীৰ অন্ত পেলোৱা হৈছে। এতিয়া ৰাজ্য চৰকাৰসমূহে পঞ্চম শ্ৰেণী আৰু অষ্টম শ্ৰেণীৰ শিক্ষাৰ্থীৰ বাবে নিয়মিত পৰীক্ষা আয়োজিত কৰাৰ অধিকাৰ লাভ কৰিছে, য’ত অসফল হ’লে শিক্ষাৰ্থীসকলক ৰখাই থোৱাৰ ব্যৱস্থা আছে। এই পৰিৱৰ্তন ২০০৯ চনত RTE আইন প্ৰণয়নৰ পিছৰে পৰা ভাৰতীয় শিক্ষা ব্যৱস্থাৰ অংশ হৈ থকা ‘নো ডিটেনশ্যন’ নীতিতকৈ কিছু পৃথক।

RTE নিয়মত ডিচেম্বৰ ২০২৪ত কৰা সংশোধন অনুসৰি, ৰাজ্য চৰকাৰসমূহক পঞ্চম আৰু অষ্টম শ্ৰেণীৰ শিক্ষাৰ্থীৰ বাবে বাৰ্ষিক পৰীক্ষা আয়োজিত কৰাৰ অধিকাৰ লাভ কৰিছে। যদি কোনো শিক্ষাৰ্থী পৰীক্ষাত অনুত্তীৰ্ণ হয়, তেন্তে তেওঁক অতিৰিক্ত শৈক্ষিক সহায় প্ৰদান কৰা হ’ব আৰু দুমাহ পিছত দ্বিতীয়বাৰ তেওঁ পৰীক্ষা দিয়াৰ সুবিধা পাব। যদি শিক্ষাৰ্থীয়ে দ্বিতীয়বাৰো অনুত্তীৰ্ণ হয় তেন্তে তেওঁক পৰৱৰ্তী শ্ৰেণীলৈ পঠিওৱা নহ’ব, তেওঁক সেই শ্ৰেণীত ৰখাই দিয়া হ’ব। অৱশ্যে, অষ্টম শ্ৰেণীলৈ কোনো শিক্ষাৰ্থীক স্কুলৰ পৰা উলিয়াই দিয়াৰ অনুমতি নাথাকিব।

কেন্দ্ৰীয় চৰকাৰৰ এই পদক্ষেপত দেশজুৰি মিশ্ৰিত প্ৰতিক্ৰিয়াৰ সৃষ্টি হৈছে। একাংশ ৰাজ্য যেনে গুজৰাট, ওড়িশা, মধ্য প্ৰদেশ, ঝাৰখণ্ড, কৰ্ণাটক আৰু দিল্লীয়ে পূৰ্বৰে পৰা এই সিদ্ধান্ত লৈছে যে তেওঁলোকে পঞ্চম আৰু অষ্টম শ্ৰেণীৰ শিক্ষাৰ্থীক অনুত্তীৰ্ণ হ’লে ৰখাই দিব। অৱশ্যে সকলো ৰাজ্যই এই পৰিৱৰ্তনৰ পক্ষত নাই। কেৰালাই এই সিদ্ধান্তৰ বিৰোধিতা কৰিছে, তেওঁলোকে কৈছে যে ইয়াৰ জৰিয়তে শিক্ষাৰ্থীৰ ওপৰত অতিৰিক্ত চাপ পৰিব পাৰে। শিশুৰ ওপৰত চাপ দিয়াৰ পৰিৱৰ্তে শিক্ষাৰ গুণগত মানৰ শুধৰণি আৰু সংঘৰ্ষ কৰি থকা শিক্ষাৰ্থীক ৰিটেনশ্যনৰ জৰিয়তে দণ্ডিত কৰাৰ পৰিৱৰ্তে অতিৰিক্ত সহায় দিয়াৰ ওপৰত জোৰ দিয়া উচিত।