কেনেকৈ মৃত্যু হ’ল পপী হাজৰিকাৰ? সোমবাৰে নিশা কি হৈছিল পপীৰ লগত?

 লাভ জেহাদ’ৰ বলি মাজুলীৰ যুৱতী! ছানিদুল ইছলাম নামৰ যুৱকজনৰ লাভ জেহাদৰ বলি হ’ল মাজুলীৰ পপী হাজৰিকাক। ভুৱা পৰিচয় দি ছানিদুলে বিয়া পাতিছিল মাজুলীৰ পপীক। বৰপেটাৰ মন্দিয়াত ঘৰ লাভ জেহাদী ছানিদুল ইছলামৰ। নিজকে প্ৰীতম ডেকা বুলি পৰিচয় দি বিয়া পাতিছিল পপীক। দুবছৰৰ পূৰ্বে পপীক বিয়া পাতিছিল ছানিদুলে। পপীৰ মাতৃ গৃহক ৫০ হাজাৰ টকা দাবী কৰিছিল প্ৰীতমে।

মাতৃয়ে ৪ হাজাৰ টকা প্ৰেৰণ কৰিছিল পপীক। প্ৰীতমে পপীক শাৰীৰিক-মানসিকভাৱে নিৰ্যাতন চলাইছিল বুলি মাতৃক জনাইছিল। কৰ্মস্থলীলৈ গ’লে কোঠাত তলা লগাই বন্ধ কৰি থৈছিল প্ৰীতমে। বিয়া পাতিছিল যদিও ছানিদুলে দুবছৰ ধৰি নিজৰ পৰিয়ালক চিনাকি কৰাই দিয়া নাছিল পপীৰ পিতৃ-মাতৃক।আনহাতে এই হত্যাকাণ্ডৰ ঘটনা পোহৰলৈ অহাৰ পাছতে বৰপেটা ৰোড আৰক্ষীয়ে শিমলাগুৰিৰ দুগৰাকী মহিলা, মহিলা দুগৰাকীৰ পুত্ৰ অজিত ভগত ওৰফে বিকি আৰু বিশাল শীলক আৰক্ষীয়ে গ্ৰেপ্তাৰ কৰিছে। আৰক্ষীৰ তদন্তত পোহৰলৈ অহা তথ্য অনুসৰি সোমবাৰে নিশা পপী হাজৰিকা নামৰ যুৱতীগৰাকী বৰপেটালৈ আহিছিল।

মহিলাকেইগৰাকীৰ ভাড়া ঘৰত থাকিবলৈ আছিল পপী হাজৰিকা। সোমবাৰে নিশা স্বাভাৱিক অৱস্থাত নাছিল পপী। তেওঁ কিবা নিচাযুক্ত দ্ৰব্য সেৱন কৰাৰ ধাৰণা কৰিছিল মহিলাগৰাকী আৰু তাত থকা অন্যান্য যুৱতীসকলে। নিশালৈকে পপীৰ স্বাস্থ্যৰ অৱনতি ঘটাত ঘৰটোৰ মালিক দুয়োগৰাকী মহিলা আৰু তেওঁলোকৰ পুত্ৰই পপী হাজৰিকাক ঘৰৰ পৰা উলিয়াই নি পথৰ কাষত পেলাই থৈ অহাৰ পিছত মঙলবাৰে পুৱা পপী হাজৰিকাৰ মৃতদেহ উদ্ধাৰ হয়। কিন্তু এই সন্দৰ্ভত মহিলা দুগৰাকী আৰু তেওঁলোকৰ দুই পুত্ৰই আৰক্ষীক এই বিষয়ে অৱগত কৰা নাছিল।