আজি ২০২৩ বৰ্ষৰ প্ৰথম চন্দ্ৰগ্ৰহণ। আজি বুদ্ধ পূৰ্ণিমাও। চন্দ্ৰগ্ৰহণ (Lunar Eclipse) আৰু বুদ্ধ পূৰ্ণিমাৰ (Budh Purnima) অদ্ভুত সংযোগে মানুহৰ জীৱনত সাকাৰাত্মক প্ৰভাৱ পেলাব। অৱশ্যে ইয়াক লৈ মানুহৰ মনত কিছু সংশয়ো সৃষ্টি হৈছে। পাটনাৰ জ্যোতিষাচাৰ্য ড– শ্ৰীপতি ত্ৰিপাঠীয়ে News18ক কয় যে বুদ্ধ পূৰ্ণিমাৰ দিনটোত এই বছৰ চন্দ্ৰগ্ৰহণ হ’ব। ইয়াৰ প্ৰভাৱ নিশা ৮.৪৬ বজাৰ পৰা ১ বজালৈ থাকিব। তেওঁ স্পষ্টকৈ কয় যে ভাৰতত এই চন্দ্ৰগ্ৰহণ দেখা নাযাব, সেইবাবে ইয়াত এই চন্দ্ৰগ্ৰহণ মান্য নহ’ব।
৫ মে’ত অৰ্থাৎ আজি হ’বলগীয়া চন্দ্ৰগ্ৰহণ হ’ব উপ-ছায়া চন্দ্ৰগ্ৰহণ। অৰ্থাৎ চন্দ্ৰৰ এটা ফালে পৃথিৱীৰ ছাঁ পৰাৰ বাবে এই সূৰ্যগ্ৰহণ সকলোতে দেখা নাযাব। এই গ্ৰহণ ভাৰততো দেখা নাযাব। সেইবাবে ইয়াত ইয়াৰ প্ৰভাৱ নাথাকিব। এই চন্দ্ৰগ্ৰহণ ইউৰোপ, এছিয়া, অষ্ট্ৰেলিয়া, আফ্ৰিকা, এন্টাৰ্কটিকাকে ধৰি বিভিন্ন স্থানত হ’ব। নিশা ৮.৪৬ বজাৰ পৰা আৰম্ভ হ’ব আৰু নিশা এক বজালৈকে চন্দ্ৰগ্ৰহণ চলিব। উপছায়া চন্দ্ৰগ্ৰহণৰ বাবে সুতক কাল বৈধ নহ’ব।
জ্যোতিষাচাৰ্য ড০ শ্ৰীপতি ত্ৰিপাঠীয়ে স্পষ্টকৈ কৈছে যে ভাৰতত চন্দ্ৰগ্ৰহণৰ কোনো প্ৰভাৱ নপৰিব। ইয়াৰ বাবে সকলো স্বাভাৱিকভাৱেই চলি থাকিব। কোনো কথাত বিশেষ নিষেধাজ্ঞা নাই।
ড০ শ্ৰীপতি ত্ৰিপাঠীৰ মতে, চন্দ্ৰগ্ৰহণ আৰু বুদ্ধ পূৰ্ণিমাৰ অদ্ভুত সংযোগ ১৩০ বছৰৰ পিছত ঘটিছে। এই সময়ত চন্দ্ৰগ্ৰহণৰ প্ৰতি বিশেষ গুৰুত্ব দিয়াৰ পৰিৱৰ্তে বুদ্ধ পূৰ্ণিমাৰ প্ৰতি গুৰুত্ব দিয়াৰ প্ৰয়োজন। বিশেষকৈ বুদ্ধ পূৰ্ণিমাৰ দিনা ভগৱান শ্ৰীকৃষ্ণৰ ধ্যান কৰি তেওঁৰ মন্ত্ৰ পাঠ কৰক। যিসকলৰ মানসিক সমস্যাকে ধৰি যিকোনো ধৰণৰ সমস্যা হৈছে, তেওঁলোকে চন্দ্ৰৰ মন্ত্ৰ জপ কৰিব লাগে। বগা বস্তু দান কৰক, ভগৱান সত্যনাৰায়ণৰ পাঠ কৰক। এই সময়ত ভগৱান বিষ্ণুৰ পাঠ কৰক।