আজি বুদ্ধ পূৰ্ণিমা; এই দিৱস কেতিয়া, কিয় উদযাপন কৰা হয়?

 

আজি বহাগ পূৰ্ণিমা উদযাপন কৰা হৈছে। এই পূৰ্ণিমা ৪ মে’ৰ নিশা ১১ বাজি ৪৪ মিনিটত আৰম্ভ হৈছে আৰু ই ৫ মে’ৰ নিশা ১১ বাজি ৪ ছেকেণ্ডত সমাপ্ত হ’ব। এই দিনটোত গা ধোৱা, দান দিয়াৰ দৰে কাম কৰিলে এজন ব্যক্তিৰ বাবে শুভ ফল পোৱা যাব।

বহাগ পূৰ্ণিমাৰ দিনা গৌতম বুদ্ধৰ জন্ম হৈছিল। সেইবাবেই এই দিনটোত ‘বুদ্ধ পূৰ্ণিমা’ পালন কৰা হয়। এইবাৰ বুদ্ধ পূৰ্ণিমাৰ দিনতোত চন্দ্ৰগ্ৰহণ হ’ব। এই বছৰৰ প্ৰথমটো চন্দ্ৰগ্ৰহণ শুকুৰবাৰে নিশা ৮ বাজি ৪৪ মিনিটৰ পৰা আৰম্ভ হ’ব আৰু পুৱা ১ বাজি ১ ছেকেণ্ডত শেষ হ’ব। জ্যোতিষীসকলে কয় যে এই বিশেষ যোগ ১৩০ বছৰৰ পাছত আহিছে।

আজিৰ দিনটোত পৃথিৱীৰ প্ৰতিটো কোণত বাস কৰা বুদ্ধদেৱৰ অনুগামীসকল আৰু বৌদ্ধ ধৰ্মৰ লোকসকলে গৌতম বুদ্ধক উপাসনা কৰে। বুদ্ধ পূৰ্ণিমা প্ৰতি বছৰে বহাগ পূৰ্ণিমাৰ দিনা উদযাপন কৰা হয়।

গৌতম বুদ্ধৰ জীৱনৰ কাহিনী বুদ্ধ পূৰ্ণিমাৰ সৈতে জড়িত হৈ আছে। সিদ্ধাৰ্থ গৌতমৰ জন্ম শাক্য গোত্ৰৰ ৰজা সুধোধন আৰু আৰু ৰাণী মায়াৰ ঘৰত হৈছিল। সিদ্ধাৰ্থ গৌতমৰ জন্মৰ সময়ত ভৱিষ্যতবাণী কৰা হৈছিল যে তেওঁ ডাঙৰ হোৱাৰ পিছত এজন ডাঙৰ শাসক হ'ব বা সন্ন্যাসী হ'ব। পুত্ৰক হেৰুওৱাৰ ভয়ত গৌতম বুদ্ধৰ পিতৃয়ে তেওঁক ২৯ বছৰ ধৰি পৃথিৱীৰ বাস্তৱতাৰ পৰা আঁতৰাই ৰাখিছিল। প্ৰথমবাৰৰ বাবে ৰাজ প্ৰাসাদৰ বাহিৰত ওলাই আহি গৌতম বুদ্ধই এজন বৃদ্ধ, এজন ৰুগীয়া মানুহ আৰু এজন মৃত ব্যক্তিক দেখা পাইছিল। তেতিয়া তেওঁ জীৱনৰ বেদনা আৰু দুখ বুজি পাইছিল। ইয়াৰ পিছতেই তেওঁ পুৰণি জীৱন ত্যাগ কৰি জ্ঞান আহৰণ কৰিবলৈ ধ্যান কৰিবলৈ গৈছিল।

গৌতম বুদ্ধই বোধি গছৰ তলত জ্ঞান বা নিৰ্বাণ লাভ কৰিছিল। পিছত, গৌতম বুদ্ধই ঠাইভেদে ভ্ৰমণ কৰি, মানুহক নিৰ্বাণ বুজাই নিজৰ জীৱন অতিবাহিত কৰিছিল। তেওঁ ৮০ বছৰ বয়সত পৃথিৱী ত্যাগ কৰে।

বৌদ্ধ ধৰ্ম শান্তি, অহিংসা আৰু ঐক্যৰ নীতিৰ ওপৰত আধাৰিত। জন্ম আৰু মৃত্যুক অতিক্ৰম কৰা গৌতম বুদ্ধক সন্মান জনোৱাৰ বাবে বুদ্ধ পূৰ্ণিমাৰ দিৱস উদযাপন কৰা হয়। বুদ্ধ পূৰ্ণিমাৰ দিনা মন্দিৰ আৰু বৌদ্ধ মঠত পূজা আৰু ধ্যান আদি কৰা হয়। এই দিনটোত এটা পাত্ৰত পানী আৰু ফুলেৰে ভৰ্তি কৰি বুদ্ধদেৱৰ সন্মুখত ৰখা হয়। ভক্তসকলে আজিৰ দিনটোত মৌ, মমবাতি, ফল আৰু ফুল আগবঢ়ায়। বহুতো দেশত, ভক্তসকলে মুক্তিৰ ভাৱ প্ৰকাশ কৰিবলৈ পিঞ্জৰাবদ্ধ চৰাই, জন্তু আৰু কীট-পতংগকো মুক্ত কৰে।