শুকুৰবাৰে প্ৰধানমন্ত্ৰী নৰেন্দ্ৰ মোদীয়ে কিছু ছবি শ্বেয়াৰ কৰে। প্ৰধানমন্ত্ৰীয়ে এইবোৰ তেওঁৰ অফিচিয়েল টুইটাৰ হেণ্ডেলৰ পৰা শ্বেয়াৰ কৰে। এই ছবিবোৰত তেওঁক এগৰাকী বৃদ্ধা মহিলাক প্ৰণাম কৰি থকা তথা কথা পাতি থকা দেখা গৈছে। মহিলাগৰাকীয়ে মৰমেৰে প্ৰধানমন্ত্ৰীৰ হাতত ধৰিছে।
বহুতৰ মনত প্ৰশ্ন– মোদীয়ে শিৰনত কৰি প্ৰণাম জনোৱা এই মহিলাগৰাকী কোন? প্ৰধানমন্ত্ৰীগৰাকীক সাক্ষাৎ কৰিবলৈ অহা মহিলাগৰাকী বিশেষ অতিথি নেকি?
মোদীৰ সৈতে ছবিখনত দেখা মহিলাগৰাকীৰ নাম উমা সচদেৱ। তেওঁৰ বয়স ৯০ বছৰ। তেওঁৰ সৈতে উঠা ছবি শ্বেয়াৰ কৰি প্ৰধানমন্ত্ৰীয়ে এই ছবিসমূহক উৎসাহেৰে ভৰা আৰু আশাবাদৰ ৰূপ বুলি আখ্যা দিয়ে। বয়স সত্ত্বেও তেওঁ পূৰ্ণ উৎসাহেৰে প্ৰধানমন্ত্ৰীক সাক্ষাৎ কৰে। উমাৰ স্বামী কৰ্নেল (অৱসৰপ্ৰাপ্ত) এইচ কে সচদেৱ আছিল এজন সন্মানীয় সেনা বিষয়া। তেওঁ প্ৰাক্তন সেনা প্ৰধান জেনেৰেল বেদ প্ৰকাশ মালিকৰ পেহীয়েক।উমা সচদেৱৰ সৈতে হোৱা বৈঠকক স্মৰণীয় বুলি অভিহিত কৰে প্ৰধানমন্ত্ৰী নৰেন্দ্ৰ মোদীয়ে। বয়সৰ এই পৰ্যায়তো তেওঁ উৎসাহ আৰু আশাবাদেৰে পূৰ্ণ বুলিও কয় ছাত্ৰীগৰাকীয়ে। এই বৈঠকত উমা সচদেৱে প্ৰধানমন্ত্ৰী মোদীক ৩খন গ্ৰন্থ প্ৰদান কৰে। এইবোৰ লিখিছে তেওঁৰ প্ৰয়াত স্বামী এইচ কে সচদেৱে।