বুধবাৰে মুখ্যমন্ত্ৰী হিমন্ত বিশ্ব শৰ্মাই ৰাহুলক আক্ৰমণ কৰি নিজৰ টুইটাৰ হেণ্ডেলত লিখে যে, "মহাশয় ৰাহুল গান্ধী, যিজনে অসমৰ পৰা যোৱা নেতাৰ সন্মুখত কুকুৰক বিস্কুট খোৱায় আৰু সেই বিস্কুটকেই তেওঁলোকলৈ আগবঢ়ায়, তেওঁ ৰাজনৈতিক শিষ্টাচাৰৰ কথা নোকোৱাই ভাল। INCৰ হাইকমাণ্ড মানসিকতাই হৈছে প্ৰথম আৰু শেষ কথা। ভাৰতৰ মানুহে এই কথা ভালদৰে জানে।
উল্লেখ্য যে, বুধবাৰৰ দিনটোত ৰাহুল গান্ধীয়ে লোকসভাত ৰখা বক্তব্যত উল্লেখ কৰিছিল যে, ”বৰ্তমান একেলগে দুখন ভাৰত আছে৷ এখন ভাৰত অত্যন্ত ধনী লোকৰ বাবে আৰু আনখন দৰিদ্ৰসকলৰ। দুয়োখন ভাৰতৰ মাজত বৰ্তমান ব্যৱধান বাঢ়ি গৈছে। লগতে ৰাহুল গান্ধীয়ে নিজৰ ভাষণত ন্যায়পালকিা, সংসদ, নিৰ্বাচন আয়োগ, পেগাছাছ আদিৰে চৰকাৰে দেশৰ কণ্ঠ ৰুদ্ধ কৰি দিছে অভিযোগ উত্থাপিত কৰিছিল। ইয়াৰ পিছতে শাসকীয় পক্ষই আক্ৰমণৰ লক্ষ্য কৰি লয় ৰাহুল গান্ধীক।