.jpg)
এইবাৰ লোকসভাত হতাহতিৰ ঘটনা! বিজেপি সাংসদ প্ৰতাপ চন্দ্ৰ সাৰংগী সংসদত পৰি আঘাতপ্ৰাপ্ত হৈছে আৰু তেওঁৰ অভিযোগ কৰিছে যে কংগ্ৰেছ সাংসদ ৰাহুল গান্ধীয়ে তেওঁক আক্ৰমণ কৰিছে। অভিযোগ অনুসৰি তেওঁ চিৰিৰ ওপৰত থিয় হৈ থাকোঁতে ৰাহুল গান্ধীয়ে তেওঁক ঠেলি দিছিল। যেতিয়া সাংসদজন পৰি গৈছিল আৰু তেওঁৰ মূৰটো ফাটি গৈছে।
বৃহস্পতিবাৰে সংসদ চৌহদত ইণ্ডিয়া ব্লক আৰু বিজেপিৰ প্ৰতিবাদৰ সময়ত আন এজন বিজেপি সাংসদ মুকেশ ৰাজপুতো আঘাতপ্ৰাপ্ত হয়। ফাৰুখাবাদৰ এজন সাংসদ ৰাজপুতক আৰএমএল চিকিৎসালয়ৰ আইচিইউত ভৰ্তি কৰোৱা হৈছে আৰু তেওঁৰ অৱস্থা গুৰুতৰ বুলি জানিব পৰা গৈছে।
আনহাতে, কংগ্ৰেছে দাবী কৰে যে বিজেপিৰ সাংসদসকলে সংসদৰ প্ৰৱেশদ্বাৰত মল্লিকাৰ্জুন খৰ্গে আৰু প্ৰিয়ংকা গান্ধীক ঠেলি দিয়াৰ অভিযোগ উত্থাপন কৰিছে। ইপিনে, প্ৰতাপ সাৰংগীৰ অভিযোগ সন্দৰ্ভত মুখ খুলিছে ৰাহুল গান্ধীয়ে। গান্ধীয়ে কয়, এইটো প্ৰকৃততে বিজেপি সাংসদৰ এটা গোট আছিল, যিয়ে সংসদত তেওঁৰ প্ৰৱেশ বন্ধ কৰি আছিল। আৰু তেওঁলোকে তেওঁক আৰু কংগ্ৰেছৰ অধ্যক্ষ মল্লিকাৰ্জুন খৰ্গেক ঠেলি দিছিল আৰু ইয়াৰ ফলত সংঘৰ্ষটো হৈছিল। মই ভিতৰলৈ যাবলৈ চেষ্টা কৰি আছিলোঁ। কিন্তু বিজেপিৰ সাংসদসকলে মোক বাধা দিবলৈ চেষ্টা কৰি আছিল। তেওঁলোকে মোক ঠেলি দিছিল আৰু মোক ভাবুকি দিছিল। এইটো সংসদ আৰু আমাৰ ভিতৰলৈ যোৱাৰ অধিকাৰ আছে।’