শিৱসাগৰৰ নাজিৰাত চাঞ্চল্যকৰ ঘটনা, পুৱাই দিখৌত জাপ দিলে এহাল নাবালক প্ৰেমিক-প্ৰেমিকাই

 

শিৱসাগৰ নাজিৰাত চাঞ্চল্যকৰ ঘটনা। কাহিলী পুৱাতে নাজিৰাৰ দিখৌ দলঙৰ পৰা নদীত জাঁপ দিলে এহাল নাবালক প্ৰেমিক-প্ৰেমিকাই। এই ঘটনাই মুহূৰ্তৰ ভিতৰতে হাহাকাৰ লগালে অঞ্চলটোত। প্ৰেমিক-প্ৰেমিকা হালে নদীত জাপ দিয়া দেখি একাংশ প্ৰত্যক্ষদৰ্শীয়ে তৎপৰতাৰে উদ্ধাৰ কৰে দুয়োকে। বিয়াৰ বাবে পৰিয়ালে সন্মতি নিদিয়া বাবেই জাপ দিছিল প্ৰেমিক-প্ৰেমিকাহালে।

একাংশ লোকে ঘটনাটো প্ৰত্যক্ষ কৰি নদীৰ পৰা উদ্ধাৰ কৰে দুয়োকে। বৰ্তমান দুয়ো সুস্থ বুলি জানিব পৰা গৈছে। প্ৰেমিকৰ ঘৰ নামতিত আৰু প্ৰেমিকাৰ ঘৰ হাঁহচৰাত বুলি জানিব পৰা গৈছে। পুৱাই সংঘটিত এই ঘটনাই চাঞ্চল্যৰ সৃষ্টি কৰে অঞ্চলটোত।