আশীষ বিদ্যাৰ্থী আৰু ৰূপালী বৰুৱাই মে’ মাহত ‘জামাই ষষ্ঠী’ৰ দিনা বিবাহ পাশত আৱদ্ধ হোৱাৰ পৰাই ইজনে সিজনৰ সংগ উপভোগ কৰি আহিছে। নৱদম্পতীয়ে একান্ত সময় কটাবলৈ ইণ্ডোনেছিয়াৰ বালিলৈ উৰা মাৰে। এক সুখকৰ পৰিৱেশত মধুচন্দ্ৰিমাৰ ছবি ছ’চিয়েল মিডিয়াত শ্বেয়াৰ কৰিছে আশীষ বিদ্যাৰ্থী আৰু ৰূপালী বৰুৱাই।
যোৱা মাহতো গোপন ঠিকনাত মধুচন্দিকা উদযাপনত গৈছিল নৱদম্পতীহাল। আশীষে এখন ফটো শ্বেয়াৰ কৰিছিল য’ত গাড়ীত পত্নীৰ কাষত বহি থকা আশীষে কেপচনত বন্ধুবৰ্গক ধন্যবাদ জনাইছিল।
নৱবিবাহিত আশীষ বিদ্যাৰ্থীৰ জমাইষষ্ঠীৰ ছবিখনে নেটিজেনসকলক আচৰিত কৰি তুলিলে। ইয়াৰ পিছত তেওঁ নিজৰ জীৱনৰ উত্থান-পতনৰ কথা ইনষ্টাগ্ৰামত ব্যক্ত কৰি কয় যে ৰূপালীৰ সৈতে কথা পাতিছে তেওঁৰ মতে এবছৰৰ আগতে তেওঁলোকৰ মাজত কথা-বতৰা হৈছিল। ইয়াৰ পিছত গল্পৰ আড্ডা আৰম্ভ হয় ইজনে সিজনৰ প্ৰতি আকৰ্ষিত হয়। ইয়াৰ পিছত আশীষে বিবাহ কৰি জীৱনটো তেওঁৰ সৈতে কটাবলৈ সিদ্ধান্ত লয়। ৰূপালীৰ বয়স ৫০ বছৰ তেওঁৰ বয়স ৫৭ বছৰ। কিন্তু তেওঁৰ মতে বয়সসে বন্ধুত্বৰ বাটত বাধাৰ সৃষ্টি কৰিব নোৱাৰে।ট্ৰলৰ পিছত আশীষৰ প্ৰশ্ন, “ক’ত আছে বাধাৰ প্ৰাচীৰ?” এজন আইনী পুৰুষ, যিয়ে আইনসন্মত কাম কৰি আছে, কৰ দি আছে, কঠোৰ পৰিশ্ৰম কৰি আছে, তেওঁৰ ব্যক্তিগত ইচ্ছাত দ্বিতীয়বাৰৰ বাবে বিয়া কৰাইছে। আইনী উপায়েৰে পৰিয়ালৰ সৈতে থাকিব বিচৰা ব্যক্তিক বিয়া কৰাই দিয়া এনে পৰিস্থিতিত আমি ইজনে সিজনৰ নেতিবাচক সমালোচনা কৰাৰ পৰিৱৰ্তে ইজনে সিজনৰ কাষত থিয় দিয়া উচিত। এই আচৰণ মই আশা কৰা নাছিলো। মই গভীৰ আঘাত পাইছো, কাৰণ গোটেই জীৱন মই মূল্যবোধৰ কথা ভাবি আহিছো।"
হিন্দীৰ উপৰিও আশীষে তেলেগু, তামিল, কানাড়া, মালয়ালম, ইংৰাজী, বাংলা, উড়িয়া আৰু মাৰাঠী ছবিত কাম কৰি আহিছে। দৰ্শকে তেওঁক খলনায়ক হিচাপে দেখাত অভ্যস্ত। তেওঁৰ ফিল্মগ্ৰাফীত আলোকপাত কৰা হৈছে- ১৯৪২: এ লাভ ষ্ট’ৰী, বাজি। বক্স অফিচত জীত, মৃত্যদাতা, অৰ্জুন পণ্ডিত, মেজৰ চাব, চোল্ডাৰ, ৰিফিউজি, জোৰু কা গুলাম, হাছিনা মান জেগী, জোৰী নম্বৰ ৱানকে ধৰি বহুকেইখন বক্স অফিচ হিট ছবি। গোবিন্দ নিহালানীৰ পৰিচালিত ‘দ্ৰোহকাল’ ছবিত অভিনয় কৰি আশীষক ৰাষ্ট্ৰীয় বঁটাৰে সন্মানিত কৰা হয়।