চলচ্চিত্ৰ পৰিয়ালৰ হোৱা স্বত্বেও, পুষ্পা খ্যাত অভিনেতা আল্লু অৰ্জুনে কেতিয়াও নায়ক হোৱাৰ সপোন দেখা নাছিল। আল্লু অৰ্জুনে এক সাক্ষাৎকাৰত নিজেই এই কথাটো প্ৰকাশ কৰিছে।তেওঁ সদায় এনিমেটৰ হোৱাৰ সপোন দেখিছিল আৰু সৃষ্টিশীল ব্যৱসায়ত আগ্ৰহী আছিল। তেওঁ কয় যে কেনেকৈ তেওঁৰ দেউতাকে, যি এজন তেলেগু চলচ্চিত্ৰ নিৰ্মাতা, আল্লুক তেওঁৰ কেৰিয়াৰ হিচাপে অভিনয় কৰিবলৈ জোৰ দিছিল আৰু তেওঁক পৰিচালক কে ৰাঘৱেন্দ্ৰ ৰাওৰ ওচৰলৈ লৈ গৈছিল।"পুষ্পা" চলচিত্ৰৰ অভিনেতাজনে এটা ৰোমাণ্টিক ছবি "গঙ্গোত্ৰী" কৰিছিল, যিটো তেলেগু বক্স অফিচত হিট হৈছিল। ইয়াৰ পিছত, আল্লুৱে পৰিচালক সুকুমাৰৰ ২০০৪ চনৰ প্ৰথম ৰোমাণ্টিক এক্সন ছবি 'আৰ্য'ত অভিনয় কৰে, সেইটোও চুপাৰ হিট হৈছিল। অভিনেতাজনে কৈছিল যে তেওঁ নিজৰ প্ৰথম দুখন চলচ্চিত্ৰৰ সফলতাৰ পিছত কেতিয়াও পিছলৈ ঘূৰি চোৱা নাছিল আৰু চলচিত্ৰ জগতত নিজৰ প্ৰতিভা প্ৰদৰ্শনেৰে আগুৱাই গৈছে।ফিল্মফেয়াৰৰ সৈতে কথা পাতি তেওঁ কৈছিল যে, ‘‘মই কেতিয়াও অভিনেতা হ'ব বিচৰা নাছিলো কিন্তু এনিমেটৰ হ'ব বিচাৰিছিলো। মই কেতিয়াও মোৰ পৰিয়ালৰ সদস্যসকলক প্ৰতিযোগী হিচাপে বিবেচনা নকৰোঁ কিয়নো মোৰ বহুতো সম্পৰ্কীয় ভাই-ভনী চলচ্চিত্ৰ উদ্যোগত আছে।’’
শেহতীয়াকৈ আল্লু অৰ্জুনে টলিউডত ২ দশকৰ চলচ্চিত্ৰ কেৰিয়াৰ সম্পূৰ্ণ কৰিছিল আৰু তেওঁ সামাজিক মাধ্যমত এটা হৃদয়স্পৰ্শী টোকা পোষ্ট কৰিছিল। বৰ্তমান, অভিনেতাজন 'পুষ্পা ২: দ্য ৰুল'ৰ শ্বুটিংত ব্যস্ত হৈ আছে আৰু মুখ্য অভিনেত্ৰী হিচাপে চিনেমাখনত ৰশ্মিকা মান্দন্না আছে। উল্লেখ্য যে, চলচ্চিত্ৰখনত আন এটা কলাকুশলী থাকিব যাৰ নাম এতিয়াও প্ৰকাশ কৰা হোৱা নাই। চাই পল্লৱীক এই ছবিখনত দেখা পোৱা যাব বুলি অনুমান কৰা হৈছে কিন্তু ইয়াৰ কোনো আনুষ্ঠানিক নিশ্চিতি নাই। এই ছবিখন বছৰৰ শেষত মুক্তি হ’ব পাৰে।