জম্মু-কাশ্মীৰত সন্ত্ৰাসবাদীৰ বিৰুদ্ধে যুঁজ দি শত্ৰুৰ গুলীত ভাৰতীয় সেনাবাহিনীৰ কুকুৰ 'জুম'ৰ মৃত্যু

 কিছুদিন পূৰ্বে জম্মু-কাশ্মীৰৰ অনন্তনাগ জিলাৰ কোকেৰনাগ অঞ্চলত সন্ত্ৰাসবাদ বিৰোধী অভিযানত গুৰুতৰভাৱে আহত হোৱা ভাৰতীয় সেনাৰ আক্ৰমণকাৰী কুকুৰ ‘জুম'ৰ চিকিৎসাধীন অৱস্থাত আজি বৃহস্পতিবাৰে মৃত্যু হয়।

সেনাৰ বিষয়াসকলে জুমৰ মৃত্যু নিশ্চিত কৰি কয় যে চিকিৎসাধীন হৈ থকা কুকুৰটোৰ আজি বৃহস্পতিবাৰে দুপৰীয়া প্ৰায় ১২ বজাত মৃত্যু হয়। সেনাৰ বিষয়াসকলে লগতে কয় যে পুৱা প্ৰায় ১১:৪৫ বজালৈকে সি ভাল সঁহাৰি দিছিল যেতিয়া হঠাতে সি হাঁহিবলৈ আৰম্ভ কৰিছিল আৰু ঢলি পৰিছিল।

১০ অক্টোবৰত চলোৱা অভিযানত জুমৰ শৰীৰত দুটা গুলি লাগিছিল। বুধবাৰে সেনাৰ বিষয়াসকলে জুমৰ স্বাস্থ্যৰ ওপৰত এক আপডেটত কৈছিল যে অস্ত্ৰোপচাৰৰ পিছত কুকুৰটো সুস্থিৰ হৈ আছে, অৱশ্যে লগতে কয় যে পৰৱৰ্তী ৪৮ ঘণ্টা জটিল অৱস্থাত থাকিব।

জুমৰ বয়স ২ বছৰৰ অলপ বেছি আছিল আৰু যোৱা আঠ মাহ ধৰি সেৱাত সক্ৰিয় আছিল।ভাৰতীয় সেনাই মঙলবাৰে “সন্ত্রাসবাদীক বিচাৰি উলিয়াবলৈ প্ৰশিক্ষণ দিয়া” “সাহসী কুকুৰ” জুমৰ এটা ভিডিঅ’ও শ্বেয়াৰ কৰিছিল।

“উচ্চ প্ৰশিক্ষিত, হিংস্ৰ আৰু প্ৰতিশ্ৰুতিবদ্ধ। সন্ত্ৰাসবাদীক বিচাৰি উলিয়াবলৈ প্ৰশিক্ষণপ্ৰাপ্ত জুম বহু সক্ৰিয় অভিযানৰ অংশ হৈ আহিছে।’-বুলি ভিডিঅ’টোত জুমৰ বৰ্ণনা কৰা হৈছে।