অযোধ্যাত ৪০ ফুট উচ্চতাৰ বীণা উচৰ্গা কৰিলে প্ৰধানমন্ত্ৰী মোদীয়ে

 

বুধবাৰে প্ৰধানমন্ত্ৰী নৰেন্দ্ৰ মোদীয়ে কিংবদন্তি কণ্ঠশিল্পী লতা মংগেশকাৰৰ জন্ম জয়ন্তীত শ্ৰদ্ধাঞ্জলি জ্ঞাপন কৰে। তেওঁ লগতে কয় যে বুধবাৰে অযোধ্যাৰ এটা চৌক তেওঁৰ নামেৰে নামাকৰণ কৰা হ’ব, যিটো তেওঁলৈ এক উপযুক্ত শ্ৰদ্ধাঞ্জলি হ’ব।

প্ৰধানমন্ত্ৰী মোদীয়ে টুইট কৰি কয়, "লতা দিদীক জন্ম বাৰ্ষিকীত স্মৰণ কৰিছো। মনত পেলাব লগা বহুখিনিয়ে আছে... যথেষ্ট পাৰস্পৰিক আন্তৰিক সম্পৰ্ক আছে। মই আনন্দিত যে আজি অযোধ্যাৰ এটা চৌক তেওঁৰ নামেৰে নামাকৰণ কৰা হ’ব। ভাৰতীয় অন্যতম শ্ৰেষ্ঠ কিংবদন্তিৰ প্ৰতি ই এক যথোপযুক্ত শ্ৰদ্ধাঞ্জলি।”

প্ৰকল্পটো পৰিচালনা কৰি থকা অযোধ্যা উন্নয়ন প্ৰাধিকৰণৰ সম্পাদক সত্যেন্দ্ৰ সিঙে পিটিআইক জনোৱা মতে, অযোধ্যাৰ অন্যতম শ্ৰেষ্ঠ প্ৰকল্প হিচাপে পৰিগণিত হোৱা এই প্ৰকল্পটো উন্নয়নৰ বাবে ৭.৯ কোটি টকা ব্যয় কৰা হৈছে।

তেওঁ কয় যে এই বিশাল বীণাখন নিৰ্মাণ কৰিবলৈ পদ্মশ্ৰী বঁটা বিজয়ী ৰাম সুতাৰৰ দুমাহ সময় লাগিছিল। তেওঁ লগতে কয়, ‘সুন্দৰ ডিজাইন কৰা বীণাখনত সংগীতৰ দেৱী সৰস্বতীৰ ছবি খোদিত কৰা হৈছে।'