.jpeg)
ভাৰতৰ গণতন্ত্ৰৰ ভেটি দুৰ্বল কৰি তোলা প্ৰধানমন্ত্ৰী নৰেন্দ্ৰ মোদীৰ বিৰুদ্ধে ‘নিম্ন পৰ্যায়ৰ ৰাজনীতি’ আৰু ‘ব্যক্তিগত আক্ৰমণ’ ব্যৱহাৰ কৰা হৈছে বুলি কেন্দ্ৰীয় গৃহমন্ত্ৰী অমিত শ্বাহে বিৰোধী নেতাসকলক তীব্ৰ সমালোচনা কৰে। নেটৱৰ্ক ১৮ গ্ৰুপৰ মুখ্য সম্পাদক ৰাহুল যোশীৰ সৈতে হোৱা এক আছুতীয়া সাক্ষাৎকাৰত শ্বাহক সোধা হৈছিল যে তেওঁ এই দুটা বিপৰীতমুখী বিষয়- এফালে মোদীৰ জনপ্ৰিয়তা আৰু আন্তঃৰাষ্ট্ৰীয় নেতাৰ সৈতে সু-সম্পৰ্ক আৰু আনফালে বিৰোধী নেতা ৰাহুল গান্ধী আৰু মমতা বেনাৰ্জীৰ দৰে নেতাই তেওঁৰ ওপৰত বাৰে বাৰে কৰা আক্ৰমণৰ বিষয়ে কেনেদৰে দেখে।
শ্বাহে উত্তৰ দিলে যে ৰাজনীতি যেতিয়া নীতি আৰু আদৰ্শৰ পৰা বিচ্যুত হৈ ব্যক্তিগত আক্ৰমণৰ স্তৰলৈ নামি যায় তেতিয়া সেয়া অতি ‘দুৰ্ভাগ্যজনক’। অমিত শ্বাহৰ ভাষাত, "এনে নিম্নস্তৰৰ ৰাজনীতি গণতন্ত্ৰৰ টিউমাৰৰ দৰে- ই শিপা খাই পেলায়। যিসকলে এনে ভাষা ব্যৱহাৰ কৰে আৰু এনে ৰাজনীতিক উৎসাহিত কৰে, তেওঁলোকে ৰাইজে শাস্তি দিব।"শ্বাহে কয় যে বিৰোধী দলৰ কাম হৈছে দুৰ্নীতি উদঙাই দিয়া, কিন্তু তেওঁলোকৰ হাতত প্ৰধানমন্ত্ৰী নৰেন্দ্ৰ মোদীৰ বিৰুদ্ধে কোনো প্ৰমাণ নাই, সেয়েহে ব্যক্তিগত আক্ৰমণৰ আশ্ৰয় লৈছে। তেওঁ কয়, "যদি কোনো ব্যক্তিয়ে দুৰ্নীতিগ্ৰস্ত কামত লিপ্ত হয় তেন্তে সেয়া ব্যক্তিগত বিষয় নহয়। ই ৰাজহুৱা বিষয়, আৰু বিৰোধীৰ কৰ্তব্য হৈছে দুৰ্নীতিৰ কথা উদঙাই দিয়া। কিন্তু যেতিয়া তেওঁলোকে দুৰ্নীতিৰ প্ৰমাণ নাপায় তেতিয়া তেওঁলোকে ভিত্তিহীন মন্তব্য আৰু নিন্দা কৰে।"