বিবাহৰ ক্ষেত্ৰত নিমন্ত্ৰণী চিঠিবোৰে গুৰুত্বপূৰ্ণ সাংস্কৃতিক মূল্য বহন কৰে, চিঠিবোৰে মূলতঃ আগন্তুক উদযাপনৰো সম্ভাৱ্য ইংগিত বহন কৰে। যদিও বেছিভাগ পৰিয়ালে মুদ্ৰিত কাগজৰ নিমন্ত্ৰণী চিঠিকে বাছনি কৰে, তাৰ মাজতো ব্যতিক্ৰম হৈ ৰয় কোনো কোনো লোক। এখন ব্যতিক্ৰমী চিঠিয়ে এতিয়া নেট দুনীয়াত তুলিছে খলকনি। এইখন সাধাৰণ বিয়াৰ চিঠি নহয়। সোণ আৰু ৰূপেৰে প্ৰস্তুত কৰা হৈছে এই চিঠিখন। পিছে, ৰ’ব। এই চিঠিখন প্ৰস্তুত কৰোঁতে কিমান টকা খৰচ হ’ল দৰাৰ? কিমান টকা খৰচ কৰি অতি হেঁপাহেৰে দৰাই সাজু কৰিছে চিঠিখন?
এগৰাকী ব্যৱসায়ী। তেওঁ এতিয়া সোণ আৰু ৰূপেৰে প্ৰস্তুত কৰা বিবাহৰ কাৰ্ডেৰে একপ্ৰকাৰ আলোড়ণ তোলা বুলি ক’লেও ভুল কোৱা নহ’ব। লালা ৰবীন্দ্ৰ নাথ কানহাইয়া লাল চাৰাফা দোকানৰ স্বত্বাধিকাৰী এইগৰাকী ব্যৱসায়ীৰ নাম লাকী জিন্দাল। এই অসাধাৰণ আকাংক্ষাৰ বিষয়ে তেওঁ অৱগত কৰে NEWS18ৰ সমুখত। তেওঁ বৰ্ণনা কৰিছিল যে মানুহে প্ৰায়ে বিয়াৰ চিঠিৰ আৱেগিক মূল্যক উপেক্ষা কৰে, কেতিয়াবা অনুষ্ঠানটোৰ পাছত সেইবোৰ বৰ্জন কৰে। জিন্দালে গুৰুত্ব আৰোপ কৰি কয় যে বিয়াৰ চিঠিৰ আখৰবোৰ বিবাহ প্ৰক্ৰিয়াৰ গুৰুত্বপূৰ্ণ অংশ, এই চিঠিবোৰ সন্মানসহিতে ব্যৱহাৰ কৰিব লাগে আৰু সংৰক্ষণ কৰিব লাগে।
জিন্দলৰ দোকানখনে বিবাহৰ সুন্দৰ নিমন্ত্ৰণী পত্ৰ প্ৰস্তুত কৰা আৰম্ভ কৰিছিল, যিয়ে নান্দনিকতা আৰু বিলাসিতা দুয়োটাকে একত্ৰিত কৰে। সোণ আৰু ৰূপৰ আকৰ্ষণীয় ডিজাইনৰ সৈতে এই কাৰ্ডবোৰ দৰা-কইনাসকলৰ বাবে এক প্ৰথম পছন্দ হৈ পৰিছে। এই চিঠিত আখৰবোৰ সোণ বা ৰূপৰ আখৰেৰে খোদিত কৰা হয়, যাৰ ফলত তেওঁলোকৰ আকৰ্ষণ বৃদ্ধি হয়। ফিৰোজাবাদত প্ৰথমবাৰৰ বাবে মূল্যৱান ধাতুৰে তৈয়াৰ কৰা বিবাহৰ কাৰ্ড উপলব্ধ, যাৰ মূল্য ১০,০০০ টকাৰ পৰা আশ্চৰ্যজনকভাৱে ১১ লাখ টকালৈকে। প্ৰতিখন কাৰ্ড সতৰ্কতাৰে বিশুদ্ধ সোণ আৰু ৰূপেৰে তৈয়াৰ কৰা হয়, এই চিঠিবোৰে ধাতুৰ মান আৰু স্বকীয়তা নিশ্চিত কৰে।