Amulৰ পিছত, Mother Dairy এ বৃদ্ধি কৰিলে দাম ! প্ৰতি লিটাৰত গাখীৰ ২ টকা ব্যয়বহুল হ'ব

 

দেৱালীৰ আগতে, সাধাৰণ মানুহে মুদ্ৰাস্ফীতিৰ আন এক আঘাতৰ সন্মুখীন হৈছে। আমুলৰ পিছত, মাদাৰ ডেইৰীয়েও গাখীৰৰ মূল্য বৃদ্ধি কৰিছে। দৰাচলতে, দিল্লী-এনচিআৰত গাখীৰ যোগানৰ সৰ্ববৃহৎ যোগানকৰ্তা মাদাৰ ডেইৰীয়ে ফুল ক্ৰীম গাখীৰ আৰু গৰুৰ গাখীৰৰ মূল্য প্ৰতি লিটাৰত ২ টকা বৃদ্ধি কৰিছে।

মাদাৰ ডেইৰীয়ে কৈছে যে ব্যয় বৃদ্ধিৰ বাবে মূল্য বৃদ্ধি কৰা হৈছে। ফুল ক্ৰীম গাখীৰৰ মূল্য প্ৰতি লিটাৰত ৬১ টকাৰ পৰা ৬৩ টকালৈ বৃদ্ধি কৰা হৈছে আনহাতে গৰুৰ গাখীৰ এতিয়া প্ৰতি লিটাৰত ৫৩ টকাৰ পৰা ৫৫ টকালৈ বৃদ্ধি পাইছে। মূল্য বৃদ্ধি দিল্লী-এনচিআৰ আৰু উত্তৰ ভাৰতৰ আন কিছুমান বজাৰত কৰা হৈছে।

বৰ্ধিত মূল্য আজি ৰাতি ১২ বজাৰ পৰা কাৰ্যকৰী হ'ব।
মাদাৰ ডেইৰীৰ এজন মুখপাত্ৰই শনিবাৰে কয়, "আমি কেৱল ফুল ক্ৰীম আৰু গৰুৰ গাখীৰ প্ৰকাৰৰ মূল্য প্ৰতি লিটাৰত ২ টকাকৈ সংশোধন কৰি আছো।" মূল্য বৃদ্ধি কাইলৈৰ পৰা অৰ্থাৎ ১৬ অক্টোবৰ, ২০২২তাৰিখৰ পৰা কাৰ্যকৰী হ'ব।