আমেৰিকা যুক্তৰাষ্ট্ৰই (USA) পূব ইউৰোপত ৰাছিয়াৰ (Russia) উপস্থিতি তথা ইউক্ৰেইন (Ukraine Crisis )সংকটক লৈ মিত্ৰশক্তিৰ সৈতে আলোচনা অব্যাহত ৰাখিছে । পেন্টাগনৰ সূত্ৰই এই বিষয়ে উল্লেখ কৰি জানিবলৈ দিয়ে যে নাটো (NATO) দেশসমূহৰ ক্ষেত্ৰত আমেৰিকাই কেনেদৰে ভূমিকা পালন কৰিব পাৰে সেই বিষয়েও আলোচনা কৰা হৈছে ।
ৱাশ্বিংটনে ইউক্ৰেইন সংকট সন্দৰ্ভত ৰাছিয়াৰ সৈন্যৰ উপস্থিতি সম্পৰ্কে উচ্চ সতৰ্কতা অৱলম্বন কৰি আছে। ইয়াৰ পূৰ্বে শুক্ৰবাৰে আমেৰিকা যুক্তৰাষ্ট্ৰৰ ৰাষ্ট্ৰপতি জো-বাইডেনে অধিক সৈন্য মোতায়েনৰ কথা ঘোষণা কৰে। ইতিমধ্যে নিয়োজিত হ'বলগীয়া ৮,৫০০ সৈন্যৰ বাহিৰেও আমেৰিকাই প্ৰয়োজন হ'লে অধিক সৈন্য প্ৰেৰণ কৰাৰ সিদ্ধান্ত ল'ব পাৰে। নাটোৱে ইউক্ৰেইন সীমান্তলৈ (Ukraine Crisis) সৈন্য প্ৰেৰণ কৰিব পাৰে ।
পেন্টাগনৰ মুখপাত্ৰ জন কিব্ৰিয়ে কয়- "আমি অঞ্চলটোত কেনেদৰে সৈন্য মোতায়েন কৰিব লাগে সেই বিষয়ে নিয়মীয়াকৈ আলোচনা কৰি আছোঁ । সেনা প্ৰধানে বিষয়টোৰ ওপৰত প্ৰক্ৰিয়াগত সিদ্ধান্ত ল'ব । তেওঁ এই সন্দৰ্ভত বিভিন্ন নাটো বন্ধুত্বপূৰ্ণ দেশৰ সৈতেও বিতং সম্পৰ্ক স্থাপন কৰিব । ইয়াৰ আগতে, আমেৰিকাই ইউৰোপলৈ মুঠ ৮,৫০০ সৈন্য প্ৰেৰণ কৰিছিল , যিবোৰ যিকোনো স্থানত অভিযান আৰম্ভ কৰাৰ স্থিতিত আছিল ।
আনহাতে, ৰাছিয়াই ইউক্ৰেইন দখল কৰাৰ কথা সম্পূৰ্ণৰূপে অস্বীকাৰ কৰিছে । কিন্তু ৰাছিয়াই ইউক্ৰেইনৰ ইতিমধ্যে উত্তৰ, দক্ষিণ আৰু পূবত সৈন্য মোতায়েন কৰাৰ বিষয়ে ইমান শক্তিশালী যুক্তি দিব পৰা নাই । কিন্তু তাত নাটো সৈন্য উপস্থিত থকাৰ লগে লগে এইবাৰ ৰাছিয়াই আকৌ এবাৰ ক'বলৈ আৰম্ভ কৰিছে যে আমেৰিকা যুক্তৰাষ্ট্ৰ আৰু ইউৰোপীয় দেশসমূহে তেওঁলোকৰ ওপৰত অপ্ৰয়োজনীয় চাপ প্ৰয়োগ কৰিছে।
উল্লেখ্য, ২০১৪ চনত ৰাছিয়াই ইউক্ৰেইনৰ ক্ৰিমিয়া অংশ প্ৰায় দখল কৰে । ইয়াৰ উপৰি পূব ইউক্ৰেইনৰ তিনিখন প্ৰদেশেই ৰাছিয়া-পন্থী ৰাষ্ট্ৰবিৰোধীসকলক সমৰ্থন অব্যাহত ৰাখিছিল। তাকে লৈ ইউক্ৰেইন নাটোৰ ফালে ঘূৰিছে। অৱশ্যে পৰিস্থিতি নিষ্ক্ৰিয় কৰিবলৈ ৰাছিয়াৰ বৈদেশিক মন্ত্ৰীয়ে মঙলবাৰে আমেৰিকাৰ বৈদেশিক মন্ত্ৰীৰ সৈতে ফোনত কথা পাতিব।