কেৰালাৰ এগৰাকী ব্যক্তিয়ে অনলাইনৰ জৰিয়তে অৰ্ডাৰ কৰিছিল এখন পাছপোৰ্ট কভাৰ। কিন্তু তাৰ সলনি যি আহিল, সেয়া কিদৰে বুজাব ভাবিয়েই নাপালে। পেকেজৰ ভিতৰৰ পৰা উদ্ধাৰ কৰিলে এখন প্ৰকৃত পাছপোৰ্ট।
সেই পাছপোৰ্টখন মহম্মদ চালেহ নামৰ এজন লোকৰ নামত থকা। লোকজন ত্ৰিশূলৰ কুন্নামকুলামৰ বাসিন্দা। Mathrubhumi-ৰ খবৰ অনুসৰি, সেই পাছপোৰ্ট হাতত পাই যুৱকজনে ই-কমাৰ্ছ সংস্থাৰ কাষ্টমাৰ কেয়াৰত ফোন কৰিও বিশেষ সহায় লাভ নকৰিলে বুলি কয়।
পিছত লোকজনে দেৰি নকৰি পাছপোৰ্টত থকা ঠিকনাত কুৰিয়াৰ কৰি পঠিয়ায়। কাৰণ পাছপোৰ্টত কোনো ধৰণৰ ফোন নম্বৰ লিখা নাথাকে। গতিকে ফোন কৰাও সম্ভৱ নহয়।